الكبة المقلية بدون ماكينة وبدون هبرة
المكوّنات
- مقادير الحشوة :
- 800 غ لحم مفروم
- بصلتين كبار مفرومين ناعم
- معلقة صغيرة فلفل اسود
- بهار مشكل
- ملح حسب الرغبة
- رشة قرفة مطحونة
- رشة جوزة الطيب
- زيت زيتون
- لوز محمص الكمية حسب الرغبة
- مقادير عجينة البرغل:
- 4 كاسات برغل ناعم
- معلقتين كبار طحين
- معلقة كبيرة كمون
- معلقة كبيرة قرفة
- معلقة كبيرة ملح
- معلقتين كبار ماء فاترة
- معلقة كبيرة بهار مشكل
- 25 معلقة قرنفل مطحون
- 25 معلقة زنجبيل مطحون
- 25 معلقة فلفل اسود
الخطوات
- بندبل البصل بالزيت وبعدها بنضيف اللحمة والبهارات كلها وبنتركها 5 دقائق لحتى تستوي وبطفي النار وبنضيف عليها لوز شرائح محمص وبنخلطهم مع بعض
- بنغسل البرغل بوضعه بطنجرة كبيرة وبنضيف الماء عليه ليغمره وبنعصرو فورا من الماء وبنحطو على صينية ناشفة وبنكرر عملية الغسل مرتين واهم شي ينعصر منيح من الماء
- بعدها بنضيف البهارات عليه الى زكرناها وبنحرك وبعدها بنضيف 3 كوب ماء ساخن على البرغل وبنغطيه بكيس نايلون وبنتركه منقوع ساعة ونصف بحرارة الغرفة وبعدها بنبلش شغل فيه
- بنضل نعجن فيه لمدة ربع ساعة لحتى نقدر نشكل قرص كبة وما يتشقق معانا
- وبنتركها نص ساعة بالفريزر بعدين بنقليها بزيت غزير وبكون على نار عالية اول دقيقتين بعدين بنهدي النار على الوسط لحتى يصير لونهم اشقر دهبي وبنصفيهم من الزيت على ورق محارم وصحة وهنا
- بنكور البرغل على شكل كرة وبندخل اصبعتنا فيها وبنعمل فتحة وبنضل نرقق بالكرة ليصير عنا كبة رقيقة وبنحشيها بالحشوة وبنسكرها