مجله عرب استراليا – سدني- بقلم الكاتبة والاديبة اللبنانية سعدى جرمانوس فرح ،،،،،
حارس النطرة .
وقعت الفرحة من بابها العالي ..
والعتم لبَّس الحرف دمع المحبرة .
صار القلب يرندح عا ربابة الأيام
وجبال فوق جبال تطوي خيالات من وهم البشر .
نامت السنونو بدفا القرميد .
والشجر تكي ع موالو
والحارس الأمين ع باب العمر واقف
بإيدو سيف الحق يلمع
وبإيد الثانية كمشة فرح لأغلى أحبابو .
بعتلها خبر وشوية صور
وعى عيونها عا دمعة بكي ..
يا حارس النطرة عا وج الصبح
لا بتنام ولا بتنعس
اعتابك عينك عا هيك الصبية
يلي التعب رقص ركابها .
خليك عالي ع قد آمالها ..
نبع الوفا منك إغتنى
وبيادر القمح من كرم أيديك عبى سلالها.
يا حارس الأمين..
سامر النجوم
وشعل القنديل
ع قد الصدق يلي عايش جوا تها .
رابط مختصر https://arabsaustralia.com/?p=11230