الكاتبة ياسمين حافظ: “بلاء”

بقلم : ياسمين حافظ

مجلة عرب أستراليا- سيدني

لما عم البلاء البلد

الكل خاف وارتبك

وشيلنا الهم حتى الولد

شعره شاب و من خوفه اتهلك

 

ولما البلاء مسك في الكل

وما ساب حتى إللي فوق

من صحاب مناصب و فلوس فل

عرفنا إنه صابنا يمكن نفوق

 

من إللي اتهرسنا فيه طول العمر

من أمراض جوانا غيرتنا

خلت حياتنا بطعم المر

و قلوبنا بملامح سودتنا

خلتنا ننسى ربنا ونتغر

وع ذنوبنا دايما نصر

 

حالنا بقى إسمه كورونا

و الدنيا كلها قايمة علينا

بلاء مسك فينا ورعبونا

والعالم كله بيقول الحقونا

خايفين من خطر يأذينا

والكل ينادي و يحذر

حافظ ع نفسك و اتحصن

من فيروس ع الكل بيكسر

وكله عايش متكدر

وع نفسه بيأمن

خايف من فيروس بيخرب

وخلى العالم كله اتجنن

 

قفل مساجد وكنايس

و الكل في بيته مستخبي وخايف

والكل عايش لايص

اتمنع الفرح و اتنكد ع العرايس

و لا حد عارف يزور حد ويضايف

والكل يقول دي النهاية وقلبي حاسس

غضب من ربنا إللي عالم وشايف

 

وكل واحد فينا افترى

ونسي حساب ربنا

يارب ارفع عننا البلا

و سامحنا ع تقصيرنا واغفرلنا

ومن البلاء إللي بيه صيبتنا

اتعلمنا درس مش هننساه طول عمرنا

رابط مختصر:https://arabsaustralia.com/?p=8125

الكاتبة ياسمين حافظ

مساحة إعلانية مدفوعة

 oula.bayad@gmail.com لغرض الإعلان يمنكم التواصل معنا عبر البريد الإلكتروني