مجلة عرب أستراليا سيدني
بقلم الشاعر لطيف مخايل رئيس عصبة الزجل اللبناني أستراليا
لفتني فيلم فيديو قصير للأديبة الإعلامية القديرة راغدة السمّان وهي على شرفة منزلها
تطعم العصافير الملوّنة من يديها والعصافير تزقزق وتتنقّل حولها
فأوحت لي بهذه القصيدة:
حَول الجمال تجمّعوا كل الطيور
وتمتّعوا بدفء المحبة والسرور
من مَيل عم يتنعّموا بخبز الطري
ومن ميل تاني منِّك يشمّوا العطور
من مَيل عم يتنعّموا بخبز الطري
من إيد أنعم من رخام المرمري
يا ريتني عَ باب بيتِك عسكري
وأكتب عَ حيط البيت ممنوع المرور
أمنعْ حدا بالنور يدخل والظلام
بلكي الحلا غافي على ريش النعام
وبتكون صابيعِك عن تخّط الكلام
ووهج البلاغة يطّل من بين السطور
طير المحبة داب يا ناس تركوه
عالنغوَشة نعومة يديكي علّموه
وبين عطفِك وبين الزهور انْ خيّروه
بيختار عطفِك ما بيختار الزهور
يا طيّر نيّالك تنعّم بالحلا
مُش متل شاعر عالهجر قلبو ابتلا
جناحَك طليق وحر بتطال الفلا
جناحي كسير وقهر لا حولا ولا
بصلّي لربّي يسهِّل عليي الأمور
