spot_img
spot_imgspot_img
spot_imgspot_img

إصدارات المجلة

العدد 47

آخر المقالات

ريما الكلزلي- قراءة في فكر الباحث ماجد الغرباوي

مجلة عرب أستراليا- بقلم الكاتبة ريما الكلزلي تجلّيات التنوّع...

أ.د.عماد شبلاق ـ الشعب يريد تعديل النظام!

مجلة عرب أستراليا- بقلم أ.د.عماد وليد شبلاق-رئيس الجمعية الأمريكية...

كارين عبد النور- الحسم لـ”الدونكيشوتية” والفرز السياسي في “مهندسي بيروت”

مجلة عرب أستراليا- بقلم الكاتبة كارين عبد النور «ما رأيناه...

أستراليا بلد التكامل الاجتماعي رغم تهديدات التطرف والإرهاب

أستراليا بلد التكامل الاجتماعي رغم تهديدات التطرف والإرهاب بقلم صاحبة...

أ.د.عماد شبلاق- إجراءات التجنيس والتوظيف والتسكين … طلبات أصبحت مرهقة لكثير من المهاجرين!

مجلة عرب أستراليا- بقلم أ.د.عماد وليد شبلاق- رئيس الجمعية...

جورج الخوري- نهر وشعر

مجلة عرب أستراليا سيدني- نهر وشعر

الكاتب جورج الخوري
الكاتب جورج الخوري

بقلم الأديب والشاعر جورج الخوري

قال النهر

يا ميّتي عالشعر لا تخافي

ولا تكثّري الهموم عا كتافي

الميّي بتروي سهلها العطشان

وتغرّد على الميل صفصافي

يرمي السهل من موسمو العمران

غلال للفلاّح …..متعافي

والشعر متل المي بالفنجان

بيبرق حلا وكعبو نقا صافي

وشاعر الوقت مرتّب الأزمان

والقصيدة نسج وقوافي

يلوّن حلم بي ريشة الوجدان

والحسن مسكوب نفنافي

وهالارض ان ندهت انا عطشان

للارض بسقيها من شغافي

الشاعرنقاوة قلب مع وجدان

عمرو عطايا وحب ولطافي

والكلمة اللي روايي العطشان

والحرف طرز زاف عا شفافي

والنور يللي عالصبح بيبان

متل الشعر انوار شفّافي

ريّح عا جنبو والحرف تعبان

بالشعر لو عبّرت مش كافي

وان غازل الأطيار عالافنان

الغزل غازِل جدولو الصافي

حكيو نبع ورسالتو غفران

يبقى الكلام يخلّف قوافي

لو تساليلي مية الغدران

بتقول شعرك دمع متعافي

ولمّن سألتو عن هوى الاوطان

قال الوطن منشال عا كتافي

قبل كل شي مصوّر بانسان

المي بحري ..الهوا مجدافي

وعن شعورو بتسألو يا فلان

الشاعر شعور وكلمتو ضيافي

وكلما يزهّر ورد بي نيسان

كثير الصبايا تدّلعوا كافي!

بيكتب غزل تا تعشقو الحيطان

بياتو نغم لما الهوى يجافي

الشاعر خبز مفرود للجوعان

الشاعر صفا من مشربو الصافي

الشاعر بيبكي عا طفل عريان

وان كان حس الجوع بيخافي

طاسة المي بتنعش العطشان

يخسى العطش..والكاس عالقافي

وان كان صار الوضع كلو جنان

بيجن شعرو يجدّل قوافي

هو للشمايل والوفا عنوان

هو للخصايل مصدر قيافي

هو للحبيب العاشق الولهان

يكتب هوى بضلوع هفهافي

والشعر لو ما حرّك الوجدان

دنقان شعري وبارد لحافي

والشعر مالو من الزمن الوان

لونو الحب وبلسمو الشافي

رابط مختصر- https://arabsaustralia.com/?p=25521

ذات صلة

spot_img