جورج الخوري- شبّاك

مجلة عرب أستراليا سيدني- شبّاك بقلم الكاتب جورج الخوري

خشب درفاتو عتاق.. وخلص استهلاك

عمر عدّى شوق

هيكي على حسابي

عمرو الكتبو من صدى الاسلاك ..

تعب الهوى  والوقت قلاّبي

يا جارهاك الحيط

يومن عمّروا المدماك ..

ويا حافظ الاسماء

والتاريخ والكتابي

بتذكر الحلوي

لما تقول يا محلاك ..

فكّر الثوب الحلو كيف

انسرج بي لون عنّابي

بتمرق الصبحيّي

وتقول هالقهوي انا بهواك ..

بتمر مسويي بأوّل ليل ..يا عذابي

وشو هم شو حكيو ..ما كلّو علاك

المهم عندي ..يا ولف ملقاك ..

ومهم عندي ورد..سقيتو عمر

وسنين صاروا مي وترابي

كبرت بي حضني..الندى مرواك

وكبرت جوا القلب..يا عز احبابي

مهم عندي تسالي شوباك ..

ومهم تبقي معي ..صلا وبخور محرابي

ومين قلك هالرسم شبّاك ….

هيدا انا مرهون عند الريح

درفة مردّ الهوا ..ودرفة لاحبابي

ساند عا حيط الزمن ..محكوم استناك ..

حسّ العطرعالخد

متل النعس نسّم على عبابي

والقلب فاتح للبحر افلاك ..

مسافرة بصاري

ومشرّعة للريح بوّابي

والورد احمر وجنتوحاكاك ….

عطر الورد مجبول باهدابي

عطرك رحيق الشهد

شمّيتو وما ادراك….

شفافك نبيذ العنب ال معتّق بخابي

والشوق يغريني..وكيف بنساك ….

عطرك عبر من عروة  ثيابي

طول الجفا من جمرتو خلاك ….

تشعل لهيب النار بالغابي

وانكان هوّي الشّجن ..انت ضحاك …

لولو يصفّ دوار بي صحن عنّابي

بحبك لبعد العمر بتسناك …

عاغيبتك بفتح انا الشباك

باب عمري صرت

بشتاقلك وانتا على بابي

رابط مختصر..https://arabsaustralia.com/?p=21747