مجلة عرب أستراليا سيدني– سمك بالسلّي
بقلم الأديب والشاعر جورج الخوري
البحر ضاري ..والجسم عاري
نازل وما في معو مصاري
في معو ..سلّي بلا غلّة
لا بتشبْعو ولا جيب بتملّي
والسمك عا كيفو مرة منيح
وكثير من مراّت بيولّي
شغلتو دايم على الهلّة
….
بيروح صوب البحر ..سلّي فاضيي
والسمك عم يضحك على سيدو
وحسب النصيب بتنتلي السلة
على ايدو
ولما نصيبو من التعب بيحل
وصار وقت يفل
بيرجع بكم سمكي
ونفسو راضيي
وعا فرحتو بيوزع السمكات
فوق الرمل أربع حصص
مش فارقا لا مين
ثلات بيوت بياكلوا
والرابعة تخمين
لا سهرة علاء الدين
بيتحوكموا الرفقات مسرورين
وبيسكروا حد البحر ساعات
والليل عم يسهر معن
والقمر والنجمات
…
لما النور وجه الصبح بكير
يرقص على الرملات
بيتودّعوا وبيضل لا وحدو
مع عظم مش بقيان
وجسم مش لقيان
بينوي محمد عالبحر بكير
طالب رضا وتيسير
مأمل السلة تعود ملياني
ويحبل بحر بحكايتو
يركض يحقق غايتو
وصّل محمد عالرمل
وجع الرمل حفّايتو
عيط على الصحاب
وغط وجو بالرمل
تعفّر برمل وغاب
هونيك وحدا ضلّت السلي
تقاتل فضا وقلّي
محمد بقي وحدو على المنقل
ينضف سمك للناس ويقلّي
شو صار حد الشط بعد ماغاب
لا ظل حدو خيال ولا خيّال
محمد تلحف رمل وترمّل
هيدا الحاضر هيك ماشي الحال
وبعدو محمد حافظ الموال
عم يصيّد سمك بالسلّي
والسما هالسمك يتقلّي
رابط مختصر-https://arabsaustralia.com/?p=24756