spot_img
spot_imgspot_img

إصدارات المجلة

العدد 49

آخر المقالات

دراسة نقديةـ بقلم الأديب الناقد فادي سيدو عن قصيدة قلوب الحبر الأحمر للشاعرة سوزان عون

مجلة عرب أسترالياــ بقلم الأديب الناقد فادي سيدو دراسة نقدية...

علا بياض ـ في حياة كلّ منّا لحظاتٌ فارقة

بقلم علا بياض رئيسة التحرير التغيير سنّة الحياة وسنّة الكون....

هاني الترك OAMـ تزوجوا وإنعموا بالحياة

مجلة عرب أسترالياــ بقلم هاني الترك OAM منذ فترة صدر...

كارين عبد النورـ التعدّيات الشاطئية تترسّخ: بأيّة حال عُدت يا صيف!

مجلة عرب أسترالياــ بقلم الكاتبة كارين عبد النور الصيف على...

الدكتور طلال أبوغزاله ـ الكيان وحلفاءه .. مساع خبيثة للقفز عن الهزيمة

مجلة عرب أسترالياـ بقلم الدكتور طلال أبوغزاله وسط تصاعد الخسائر...

جورج الخوري- ساعة خلق

مجلة عرب أستراليا سيدتي- ساعة خلق

الكاتب جورج الخوري
الكاتب جورج الخوري

بقلم الشاعر والأديب جورج الخوري

هوني نجم …بساعة حلم

وقّفت أتأمّل

وسع السما خلقان …

جفنو ولا أجمل

تذكّرتي عريان ..الله خلقني هيك

وما عدت أتحمّل

….

عريان من كل الخطايا والذنوب

جابني عا هالدني صافي

لا فرشتي كانت معي حتى ولا لحافي

لا سأل صحيان  واللا الجفن غافي

ولمن من التفاح ..ذقتو للحلا

زتّني عالارض ..ولعن سلاّفي

….

زتني عا هالدني بلا دين

قللّي الشقا  اشقى والله يعين

بالوجع والدم  تقلع شوك

تشققر كفوفك تزرع رياحين

وخبزاتك لحد المسا يكفوك

ما فيك همّ ..الولاد شبعانين

…..

لما خلقني وزتني عريان

ما شفت حالي كيف شكلي كان

ولا شفتحوا مغرية وثورة

بي ساعتا ما كان في عورا

لابنت لا صبيان ..لا نبي لا اديان

الشهوة الحسد ..والكره والطغيان

كلن من الطمعا ..من الشيطان

جواتنا حافر ..بي جورة النسيان

الفكر هوي الخير ..هوي الشر

هوي الرضى والستر والعورا

هوي الصلا المش اخذي دورا

….

لا تسالوني اليوم شو ديني

ديني انا دين هالانسان

اللي كونو الله على التبيان …

مشكّل من ورود بي نيسان

وقللو الاحلى بالدني صفيان

انت الحر والعقل والبنيان

بيني وبين الرب. شو حشّرك يا فلان

وتا خبرك اكثر ..مالي أنا عنوان

ما لي اسم الا الشتا والصيف

جايي أنا شنتا وعبايي وضيف

جايي يغصن صغير من زيتون

بسعف من نخلي ..ومستحلي

ما جيت حامل رمح واللا سيف

ولا قطعت من غير فايدي حورا

جيت وزع ورد للعميان

وجيت اقرا شعر للطرشان

وجيت صحي من الغوى سكران

رابط مختصر-https://arabsaustralia.com/?p=25016

ذات صلة

spot_img