مجلة عرب أستراليا سيدني
دماء وركام
بقلم الكاتب جورج الخوري
دماء وركام
….
دمّن سخن بعدو
وناس عم بتئن
تحت الحجر وتراب
وبيوت صاروا خراب
صور بتخلّي الحجار تحنّ
ناس عم تنزف دما
وناس من اهل الحمى
عم يسعفوا
والغارقين كوام
ناس مدت فرشتا
وناس مدت قامتا
والدني بعدا بخير
الغوث والاخلاق والانسان
هنّي الدين وحدن وما في غير
……
ايمت منوعا يا ترى
مش لازمي زلزال تا نوعا
واوعى الفرقة يا زمن اوعى
رح نجتمع عالخير
من دون عرّافين
من دون جدّافين
من دون صربة ناس دجالين
حاجي بقا … حكّام ومحكومين
بيسوى سوى نعرف نحنا مين
ايمت منصحى عالجرح
زلزلة هدت علا البنيان
سرقت اعمار ..هدت صرح
بلكي بتبني عالخراب
نتفة امل ..نتفة صبح
هالارض موجوعا
وموجوع التراب
اصحوا بقا يا ناس
فيّقوا الاخلاق
بركي الوعي بيوعى
بركي المصيبي ترسم الاتي
ويكون احلى شوي
مانو خطر عاتي
رحمة لروح ال مات
والشفا للمجروح
والعافية للي ركض
رجليه كانت حافية
بس القلب مليان نسمي دافيي
والعافية …آه يا وطن
ما عاد عينو غافيي
بيسوا سوا ..نرجّع النيّي
ونرجع لحنيّي
نحنا اهل ..وتكون مين ما كنت
بيكفي تكون انسان
وتحب هالاوطان
مثل طفل صغير
جايي لوحدو عالدنيي
مغمّض ومش عرفان
بي قصة الحية والغربان
رابط مختصر-https://arabsaustralia.com/?p=27572