مجلة عرب أستراليا سيدني- خرزة الباب
بقلم الأديب والشاعر جورج الخوري
خرزة عا باب الدار
بعدا ..وبعد تذكار
بتستقبل باهلا
وبتودع الزوار
سمعتا عم تغني
لمن اجا نيسان
وبتلبس الحنة
لايار لما يبان
بتكرهو للصيف
حامي على جلدا
وبتموت شتويي
حزنا على بردا
وقديش مستحيي
من دارنا ووردا
لمن ذبل هالورد
ما في حدا عندا
تكيت على الخشبات
اللي سوّسوا بكير
بكيت على اللي مات
بكيت على التعتير
ولمن تغيب الشمس
تنده تعي بكير
مش طايقة العتمي
ولا طايلة اللقمي
مع كومة عصافير
تبقي تعي بكير
رابط مختصر- https://arabsaustralia.com/?p=25808