أنطوان القزي- جديدِه السنِه
مجلة عرب أستراليا سدني
بقلم الصحافي والشاعر أنطوان القزي
جديدِه السنِه
جديدِه السنِه وبالعيد جينالَك
خللي يا ربّ بلادنا قبالك
حمِلنا الصلا بإيدين مرفوعين
رْكعنا عامدّ الكون كرمالك
جديدِه السنِه والناس منتظرين
منّك عجيبه تبارك عيالك
مطرح بأرضي بلّش التكوين
خانوا المحبّه وقطّعوا حبالك
ومطرح ما كنّا نعشق التزيين
صارت شموع العيد تتهالك
إنتَ اللي شمسَك شرْقت بصنّين
والبحر مَوجو رقّص خيالك
قللن يا الله ليش مختلفين
عطيوا لقيصر مالُن ومالَك
*****
وإنتَ يا شرق ل ناطر من سنين
معلّق صليب الكون عتلالك
حَلّو قدَرنا يقتل التنّين
وحلاّ المحبّه تزيِّن جبالك
خلف البحر ل ولاد مشتاقين
وشاعرْ غريب بيحصد غلالك
قاعدْ لحالي أنظم دواوين
وحال القصيدِه صار من حالَك
رابط مختصر –https://arabsaustralia.com/?p=26793